Бүгін Қазақстан Республикасы Табиғи монополияларды реттеу агенттігінде (ТМРА), оның аумақтық органдарының қатысуымен «Сыбайлас жемқорлыққа қарсы күрестің 2006-2010 жылдарға арналған мемлекеттік бағдарламасын» іске асыру барысында сыбайлас жемқорлыққа қарсы күрес мәселелеріне арналған кеңейтілген алқа отырысы өткізілді. Бұрындары мұндай алқа отырыстары Агенттіктің барлық Басқармаларында өткізілген.
Алқа отырысында сыбайлас жемқорлыққа қарсы іс-қимыл жөніндегі Агенттік жұмысының жай-күйі мәселелері қаралды, Сыбайлас жемқорлыққа қарсы күрестің 2006-2010 жылдарға арналған мемлекеттік бағдарламасын және үстіміздегі жылғы 1 маусымда Қауіпсіздік кеңесінің отырысында айтылған Мемлекет басшысының нұсқауларын іске асыру жөніндегі шаралар талқыланды.
Сыбайлас жемқорлық құқық бұзушылықтарының алдын алу мақсатында Агенттік осы міндеттерді іске асыру жөнінде іс-шаралар жоспарын әзірледі. Атап айтқанда, сыбайлас жемқорлыққа қарсы күрес жөнінде 2006-2008 жылдарға арналған ведомстволық жоспар қабылданды. Агенттікте «сенім телефоны» жұмыс істейді, азаматтардың тіркеу журналы жүргізіледі, мемлекеттік қызметшілердің Ар-намыс кодексінің сақталуын Бақылау кітабы ашылған. Нормативтік құқықтық база тұрақты түрде жетілдіріліп отырады.
Биыл қызметтің ашықтығын қамтамасыз ету үшін Агенттік 138 жария тыңдау өткізді, Сараптама кеңесінің 44 отырысы өткізілді, тариф түзу жүйесін жетілдіру жөнінде 2 форум, баспасөз конференциялары, брифингтер, БАҚ-тармен кездесулер өткізілді. Сондай-ақ үстіміздегі жылы Агенттіктің сайтында табиғи монополиялар субъектілерінің электрондық қорының веб-порталын ұйымдастыру аяқталады, ол тұтынушылардың on-line режимінен табиғи монополиялар субъектілерінің қызметі туралы барлық қажетті ақпаратты алуына мүмкіндік береді.
Экономикалық құқық бұзушылықтар фактілерін анықтау кезінде Қазақстан Республикасы Экономикалық қылмысқа және сыбайлас жемқорлыққа қарсы күрес агенттігімен өзара іс-қимыл жасау мақсатында Анықталған экономикалық құқық бұзушылықтар бойынша іс-қимыл жасау және табиғи монополиялар субъектілерінің тексеру материалдарын беру ережесі бекітілді. Бұдан басқа, Қазақстан Республикасы Табиғи монополияларды реттеу агенттігінің Бас прокуратурамен Өзара ықпалдастығы туралы меморандум жасалды.
Алқа отырысының қорытындысы бойынша Сыбайлас жемқорлыққа қарсы күрестің 2006-2010 жылдарға арналған мемлекеттік бағдарламасын және оны іске асыру жөніндегі Агенттіктің іс-шаралар жоспарының орындалуын бақылауды, бұқаралық ақпарат құралдарында табиғи монополиялар субъектілерінің қаржы қызметтерінің нәтижелері туралы жыл сайынғы есептердің жарияланғанын бақылауды күшейту, кадрлар іріктеу кезінде талапты күшейту жөнінде шешім қабылданды. 2006 жылғы 1 желтоқсанға табиғи монополиялар субъектілерінің активтері мен функцияларын шағын және орта бизнестің бәсекелестік ортасына беру жөніндегі жұмысты аяқтау тапсырылды. Аумақтық Басқармалардың басшыларына облыстық маслихаттардың таяу арада болатын сессияларында Басқарманың қызметі туралы есеп беру жөнінде тапсырма берілді.
Бұдан басқа, сыбайлас жемқорлық бұзушылықтарының туындау себептерінің тұрақты мониторингісін және сыбайлас жемқорлыққа әкелетін факторлардың алдын алу және оларды жою жөніндегі ішкі бақылау жүйесін жүзеге асыру туралы шешім қабылданды.
Сыбайлас жемқорлыққа қарсы іс-шараларды іске асыру бойынша атқарылған жұмыс туралы Агенттіктің есептері үстіміздегі жылғы IV тоқсанда өтетін кезекті алқа отырысында тыңдалатын болады.
Баспасөз қызметі: : 591638(ф)
8 300 7368677
pressekretar@arem.kz
Гульшекер Издибаева
