Агенттік төрағасы Н.Алдабергенов отырысты аша отыра Елбасы ақпан айындағы жолдауында электроэнергетиканы және энергияны үнемдеуді дамыту, теміржол инфрақұрылымын салу және жаңғырту, инфляциямен күресті дамыту мәселелеріне ерекше назар аударғанын айтып өтті.

Н.Алдабергенов Елбасымыздың жолдауында қойылған макроэкономикалық жағдайларды реттеу және инфляциямен күрес бойынша міндеттері ауқымды және жауапкершілігі мол екенін айтты.

Агенттік инфляциялық процесстерді тұрақтандыру мақсатымен өткізілген шараларды атап өтті. Жоспарланған инфляция өлшемдерін қамтамасыз ету мақсатында 1,5 % шамасында реттелетін секторлардан инфляция жиынтығын қамтамасыз ететін бағанын шекті өсу варианты қабылданды.

Берілген өлшемдерді орындау  аясында агенттікпен барлық реттелетін қызметтер түріне және әрбір аумақтық  бірлік бойынша тарифтің шекті өсуі белгіленді және де тарифтің іске асуына кесте құрылды.

Жиын барысында Елбасымыздың ерекше назар аударатын энергия үнемдеу жөніндегі жұмыстарды белсенді жүргізу мәселелері талқыланды.

Осы жылдың 1 мамырынан Астана, Алматы қалаларында тұтынушыларда электр энергиясын есептеу құралдары  құрылғанына байланысты тәуліктік аймақтар бойынша электр энергияға дифференциялдық тарифтер енгізілді. Қазіргі уақытта агенттікпен республикамыздың басқа да аумақтарында электр энергиясына дифферениялдық тариф енгізуге байланысты жұмыстар атқарылып жатыр.

Елбасымыздың тапсырмаларын тез арада іске асыру мақсатында агенттікпен қолданыстағы келесі заңнамаларға түзетулер енгізу бойынша ұсыныстар әзірленген:

«Табиғи монополиялар туралы» Қазақстан Республикасының Заңына:

- нормативтік техникалық ысыраптар деңгейін төмендету және нормативтен тыс ысыраптарды жою бойынша шаралар;

«Электорэнергетика туралы» Қазақстан Республикасының Заңына:

- энергия өндіруші кәсіпорындармен электр энергиясына шекті және инвестициялық тарифтерді бекіту және қолдану.

Қорытынды сөзінде Н.Алдабергенов: «Агенттік өзінің ең басты міндеті мемлекет тарапынан тиімді реттеумен қатар, тұтынушылар мен қызмет көрсетушілердің мүдделерінің тиімді баланс жүйесін құру» екенін айтты.