Қазақстан Республикасы Табиғи монополияларды реттеу агенттігі  қосымша қуаттарды қосу кезінде  Қазақстан Республикасының табиғи монополиялар туралы заңнамасының нормаларын сақтау жөнінде «Алматы Пауэр Консолидейтед» АҚ-ның қызметіне жоспардан тыс тексеру жүргізді.

                АПК ұсынған материалдарды тексеру барысында Агенттік Қосымша қуаттарды қосу ережесін (бұдан әрі - Ереже) бұзуы анықталды.

                Ереже қосымша қуаттарды қосу және электр энергетикалық қондырғылардың объектілерін қайта жаңғыртуға және кеңейтуге арналған шығындарды өтеу тәртібін айқындайды. Ережеге сәйкес қосымша қуаттарды қосқаны үшін төлемақы, сондай-ақ энергия беруші ұйымның энергиясын тасымалдайтын желілерді қайта жаңғыртуға және дамытуға байланысты  шығындар жекеменшік нысанына қарамастан тұрғын үй салушылардан алынбайды және бұл шығындар жергілікті атқарушы органдарға жүктеледі.  Осы тармақты бұза отырып, АПК тұрғын үй салушылармен жалпы сомасы 7 129 511 143 теңге болатын шарттар жасасқан.

                Бұдан басқа, Алматы қаласының әкімдігі бекіткен және Қазақстан Республикасы Табиғи монополияларды реттеу агенттігімен және Қазақстан Республикасы Энергетика және минералдық ресурстар министрлігімен келіскен Алматы қаласының электр желілерін  перспективалық дамыту жоспарына сәйкес қосымша қосылатын қуатқа төлемнің мөлшері 1 кВТ үшін 68370 теңге мөлшерінде айқындалған.  Бұл ретте Алматы облысының тұтынушылары үшін қосымша қуаттарды қосқаны үшін төлем белгіленбеген.  Алайда, АПК Алматы облысының тұтынушыларымен электр энергиясының қосымша қуатын қосуға             1 кВт үшін 68370 бағаға шарт жасасқан. Алматы облысының тұтынушыларынан заңсыз алынған төлемнің шарттардағы жалпы сомасы 131 872 056 теңгені құрады.

                Тексеру нәтижелері бойынша Агенттік табиғи монополиялар туралы заңнаманың бұзушылығын жою және ақша қаражаттарын 2008 жылғы 20 ақпан дейінгі мерзімде қайтаруды жүзеге асыру туралы нұсқама шығарды.