22.05.08Астана-ТМРА табиғи монополия субъектілеріне жыл сайынғы есеп беруді қайтадан өткізу жөнінде нұсқама шығарды
Қазақстан Республикасы «Табиғи монополиялар туралы» Заңының 7 бабының 7-3) тармағына сәйкес, уәкілетті орган белгілеген тәртіппен табиғи монополия субъектілері тұтынушыларға және өзгеде мүдделі тұлғаларға реттеліп көрсетілетін қызметтерді (тауарларды, жұмыстарды) ұсыну жөніндегі жұмысы туралы жыл сайын есеп беруге міндетті. Тұтынушылар мен өзге де мүдделі тұлғалар алдында табиғи монополия субъектісінің реттеліп көрсетілетін қызметтерін (тауарларын, жұмыстарын) ұсыну жөніндегі қызметі туралы жыл сайынғы есепті өткізу ережесі (бұдан әрі - Ереже) Қазақстан Республикасы Табиғи монополияларды реттеу агенттігі төрағасының м. а. 2006 жылдың 10 тамызында № 198-НҚ бұйрығымен бекітілген. Алайда, Департаментке келіп түскен хаттарды талдаудың қорытындысы бойынша «Астана-Теплотранзит» АҚ , «Сүт» ЖШС – нен, «Астана-Энергия» АҚ, «Алтын Орда 2004» ЖШС – нен түскен тұтынушыларға және өзгеде мүдделі тұлғаларға реттеліп көрсетілетін қызметтерді ұсыну жөніндегі жұмысы туралы жыл сайын есеп беру туралы хаттамада Ереженің 11 тармағындағы көрсетілген тармақшалары толығымен қамтылмаған, ал «Рухаз» ЖШС, «Адите» ЖШС, «Мехколонна-13» ЖШС және «СтройКонтрактСервис» ЖШС мәлімет, хаттаманы тіпті жібермеген. Осыған байланысты Департамент төбеде айтылған субъектілерге тұтынушыларға және өзгеде мүдделі тұлғаларға реттеліп көрсетілетін қызметтерді ұсыну жөніндегі жұмысы туралы жыл сайынғы есеп беруді қайта өткізу жөнінде нұсқама шығарды.
