14.04.08ТМРА Жамбыл облысы бойынша департаменті – «Таразтрансэнерго» МКК-ың жоспарлы тексеру аяқталды.
Жылу энергиясын беру және тарату қызметін көрсететін «Таразтрансэнерго» МКК қызметін тексерген кезде де бірқатар құқық бұзушылықтар анықталды. Кәсіпорын ҚР «Табиғи монополиялар туралы» Заңының 7 бабының 7)-тармақшасына сәйкес жыл сайын аудиторлық ұйымдар кәсіпорында міндетті аудит жүргізіп, оның нәтижелерін және жылдық қаржылық есептілікті олар бекітілген сәттен 30 күннен кешіктірмей мерзімді басылымдарда жариялауға міндетті. Тексеріс жүргізілген кезде заңнаманың бұл талабы орындалмағаны анықталды. Табиғи монополия субъекті ҚР «Табиғи монополиялар туралы» Заңының 18 бабының 4 тармағына сәйкес тарифтердің немесе олардың шекті деңгейлерінің өзгеретіні туралы ақпаратты тұтынушыға олар күшіне кірерден 30 күнен кешіктірмей хабарлауға міндетті. Бірақ, «Таразтрансэнерго» МКК мен «Таразэнергоорталық» АҚ арасында 2005 ж. 30.09-де жасалған «Жылу энергиясын беру және тарату қызметін көрсету» келісім-шартында жаңа тарифтің енгізілетіні туралы бірін-бірі 10 күнтізбелік күн бұрын хабарландыру көрсетілген. «Таразтрансэнерго» МКК «Қазақстан Халық банкімен» жасасқан несиелік желі туралы келісімге сәйкес, 2007 жылдың 24 маусымында негізгі және айналым қорларын толықтыру үшін өз мүлігін кепілге қойып 22 млн.теңге несие алған. Бірақ, кәсіпорын ҚР «Табиғи монополиялар туралы» Заңының 18-1 бабының 1 тармағының 1)-тармақшасының, 2 тармағының талабы бұзып, мүлік кепілге қойылған бұл келісімді уәкілетті органмен келісілмеген. «Таразтрансэнерго» МКК ҚР «Табиғи монополиялар туралы» Заңының 18-1 бабының 1 тармағының 3)-тармақшасының талабы бұзып, 2006 жылдың қаңтарынан бастап сомасы 13800,0 мың теңге болатын өзге қызметті – заңды тұлғалардың сыртқы және ішкі жылу желілерін қысыммен тексеруді, сыртқы жылу желілерін жөндеуді уәкілетті органның келісімінсіз жүзеге асырған. «Таразтрансэнерго» кәсіпорны ҚР «Табиғи монополиялар туралы» Заңының талаптарын бұзғаны үшін әкімшілік жауапкершілікке тартылып, оған Қазақстан Республикасының «Әкімшілік құқық бұзушылықтар туралы» Кодексінің 147-5 бабына сәйкес 1 млн. 752,0 мың теңге мөлшерінде әкімшілік айыппұл салынды. Тексеру нәтижелері бойынша «Таразтрансэнерго» МКК-на ҚР табиғи монополиялар туралы заңнамасын бұзудың анықталған фактілерін жою туралы нұсқама беріліп, ол орындалды.
