Қазақстан Республикасы Табиғи монополияларды реттеу агенттігінің Маңғыстау облысы бойынша басқармасы (әрі қарай - Басқарма), Қазақстан Республикасы Әкімшілік құқықбұзушылықтар туралы кодекстің 147-5 бабы бойынша «Маңғыстау электртораптық бөлу компаниясы» акционерлік қоғамына (әрі қарай – «МЭБК» АҚ) қатысты, «Маңғыстау» Инвестициялық компаниясы» акционерлік қоғамының (әрі қарай - «Маңғыстау» ИК» АҚ) 2007 жылғы 10 желтоқсандағы № 934 «МЭБК» АҚ – ның заңсыз әрекеттері жөніндегі шағымы бойынша «Табиғи монополиялар туралы» Заңының 5 бабы 1 тармағы 5) тармақшасында көрсетілген шектеуді «МЭБК» АҚ сақтамағындықтан, яғни табиғи монополиялар субъектiлерiнiң реттелiп көрсетiлетiн қызметтерiне (тауарларына, жұмыстарына) қол жеткiзу шарттарын күштеп таңуға байланысты, сонымен қатар аталған шағым бойынша шығарылған ұйғарымды орындамағандығы үшін «Табиғи монополиялар туралы» Заңының 19-1 бабы 1 тармағының бұзылуына байланысты 2008 жылдың 25 қаңтарында әкімшілік құқықбұзушылық туралы іс қозғады. «Маңғыстау» ИК» АҚ шағымында көрсетілгендей, «МЭБК» АҚ –на жолданған Ақшұқыр поселкісіне тұрғын үйлер салу үшін техникалық шарттар беру жөніндегі өтінішке техникалық шарттар берместен, 2007 жылғы 29 қарашадағы шығ. №04/3467 хатымен поселкіге қосылатын қосымша күшті өтеуді болашақта жергілікті мемлекеттік органның жүзеге асыратындығын растайтын құжаттарды ұсыну қажеттігі жөнінде жауап жолдаған, ал «Электр энергетикасы қондырғылары объектілерiн қайта жаңарту мен кеңейту үшiн қосымша қуаттарды қосу және шығындарды өтеу ережесін бекіту туралы» Қазақстан Республикасы Үкіметінің 2004 жылғы 8 қазандағы N 1044 Қаулысының 12 тармағында, меншiк нысанына қарамастан, тұрғын үй салушылардан қосымша қуаттарды қосқаны, сондай-ақ энергия берушi ұйымның энергия тасымалдау желiлерiн дамыту мен қайта жаңартуға байланысты шығындары үшiн төлем алынбайды және осы шығындар жергiлiктi атқарушы органдарға жүктеледi делінген. «МЭБК» АҚ – на қатысты әкімшілік құқықбұзушылық туралы іс 2008 жылдың 8 ақпанында қаралып, нәтижесінде Әкімшілік жаза қолдану туралы қаулыға сәйкес, 1 500 айлық есептік көрсеткіш мөлшерінде 1 752 000 (бір миллион жеті жүз елу екі мың) теңгеге айыппұл салынды.
