Қазақстан Республикасы Табиғи монополияларды реттеу агенттігінің Қызылорда облысы бойынша басқармасымен,  2008 жылдың 19 ақпанында республикалық (Казинформ”, “Интерфакс”, “Казахстан сегодня”,”Казахстанская Правда”, “Айкын”, “Литер”, “Аргументы и факты” “РТРК Казахстан-1” АҚ), облыстық (“Сыр бойы”, “Кызылординские вести”,  “РТРК Казахстан-1” АҚ бөлімшесі),  қалалық (“Кызылорда таймс”, “Халык”, “Час пик”, “Когам ТВ”) бұқаралық ақпарат құралдары өкілдерінің қатысуымен брифинг өткізілді.

Брифинг барысында басқарманың 2007 жылы табиғи монополиялар субъектілерінің нормативтік техникалық ысыраптарын, шикізат, материалдар, отын, энергия шығындарының техникалық және технологиялық нормаларын төмендету, табиғи монополиялар туралы заңнамасының сақталуын бақылау және заң бұзушылықтарға жол бермеу бойынша жүргізілген жұмыстардың қорытындылары жасалды.

         Бұқаралық ақпарат құралдары өкілдерінің назарына реттелетін коммуналдық қызметтеріне 2009 жылдың 1 қаңтарына дейін есептеу аспаптарын орнатудың қажеттілігі, есептеу аспаптарын орнатудың артықшылықтарын насихаттаудың керектігі жөнінде айтылды. Есептеу аспаптарын орнатқанда жанұялық бюджеттің үнемделетіні туралы мысалдар келтірілді. Сонымен қатар, облыс тұтынушыларын есептеу аспаптарымен қамту көрсеткіштері слайдтармен көрсетілді.  

Бұдан басқа, брифингке қатысушылар басқарманың 2008 жылы инфляциялық процестерді тежеу және табиғи монополиялар субъектілерінің тарифтерін реттеуде атқарып жатқан жұмыстарымен таныстырылды.