29.08.08Жамбыл облысы - департаменті тексеру нәтижелері бойынша әкімшілік айыппұл салды
Департамент тамыз айында жылу энергиясын өндіру, беру, бөлу және онымен жабдықтау, су шаруашылығы және кәріз жүйелерінің қызметтерін көрсететін «Игілік көпсалалы кәсіпорны» КМК-ны тексерілді. Тексеру барысында бірқатар құқық бұзушылықтар анықталды. Кәсіпорын «Табиғи монополия субъекттерінің реттелетін қызметтеріне (тауарларына, жұмыстарына) тарифтерді (бағаларды, алым мөлшерлемелерін) бекіту кезінде қолданылатын шығындарды қалыптастырудың ерекше тәртібі туралы ережелердің» 7-1 тармағын бұзып, 2007 жылдың тарифтік сметасын қалыптастыру кезінде бюджеттен бөлінген қаражатты есепке алмаған және оны пайдалану туралы тоқсан сайынғы есептерді ұсынбаған. Табиғи монополия субъекті ҚР «Табиғи монополиялар туралы» Заңының 7 бабы 13) тармақшасына сәйкес уәкілетті органға және тұтынушыларға тарифтердің төмендетілетіні туралы олар күшіне кірерден он күннен кешіктірмей хабарлауы тиіс. Салық салу туралы заңнамасы бойынша қосымша құн салығы 2007 жылдың 1 қаңтарынан 14 пайыз, 2008 жылдың 1 қаңтарынан 13 пайыз мөлшерінде белгіленді. «Игілік» КМК Заңның аталған нормасын бұзып, тұтынушыларға және уәкілетті органға жылу энергиясының, суық судың және кәріз жүйесінің тарифтердің төмендетілетіні туралы хабар бермеген. Субъект Заңның 18-1 бабының 2 тармағын бұзып, тексерілген мерзімде уәкілетті органмен келісілмей 2901,4 мың теңгеге өзге қызметтерді жүзеге асырған. Тексерілген субъектіге Қазақстан Республикасы табиғи монополиялар туралы заңнамасын бұзу факттерін жою туралы нұсқама берілді. Табиғи монополиялар туралы заңнаманы бұзушылықтары бойынша департамент «Игілік көпсалалы кәсіпорны» КМК-ны қатысты әкімшілік іс қозғалып, 350 айлық есептік көрсеткіш мөлшерінде 408,8 мың теңгеге айыппұл салды.
