22.10.07Астана қаласы - ТМРА тұтынушыларға келтірген залалды өтеу жөнінде шара қолданды
Қазақстан Республикасы Табиғи монополияларды реттеу агенттігінің Астана қаласы бойынша Басқармасына «РУХАЗ» ЖШС- нің іс әрекетіне «Астана қаласының индустриалды-инновациялық даму орталығы» ЖШС келіп түскен өтінішіне қатысты.
«РУХАЗ» ЖШС электр энергиясын беру және бөлу қызметін көрсету бойынша Мемлекеттік тізілімнің жергілікті бөліміне Қазақстан Республикасы Табиғи монополияларды реттеу агенттігінің Астана қаласы бойынша Басқармасының 2006 жылғы 28 шілдедегі № 37- НҚ бұйрығымен енгізілген.
«Астана қаласының индустриалды-инновациялық даму орталығы» ЖШС-нің өтінішін қарау барысында «РУХАЗ» ЖШС-і 2005 жылғы 1 наурызда электр энергиясын беру және бөлу бойынша «Астанаэнергосбыт» ЖШС-мен келісім шартқа отырғаны мәлім болды. «РУХАЗ» ЖШС факті бойынша көрсеткен қызметіне «Астанаэнергосбыт» ЖШС-ның 1 кВтсағ 0,94 тенге тарифі бойынша төлеуге шот берген.
«Табиғи монополиялар туралы» Қазақстан Республикасы Заңының 7-бабы, 2) тармақшасына сәйкес (одан әрі - Заң) реттеліп көрсетілетін қызметтерге (тауарлаға, жұмыстарға) уәкілетті орган бекіткен тарифтерді (бағаларды, алымдар ставкаларын) немесе олардың шекті деңгейлерін ескере отырып, мемелкеттік органдар өздерінің құзыреті шегінде белгілеген, реттеліп көрсетілетін қызметтердің (тауарлардың, жұмыстардың) сапасына қойылатын талаптарға сәйкес реттеліп көрсетілетін қызметтерді (тауарларды, жұмыстарды) тұтынушыларды жалпыға бірдей қызмет көрсетумен қамтамасыз ету.
Бірақ, «РУХАЗ» ЖШС Заңның 7-бабының 2 тармақшасын бұзып, «Астана қаласының индустриалды-инновациялық даму орталығы» ЖШС электр энергиясын пайдаланғаны үшін есеп құралындағы көрсеткішті алған кезде «РУХАЗ» ЖШС сымдағы көлем шығындарын қоса есептеген. Басқармамен, осы заң бұзушылыққа байланысты «РУХАЗ» ЖШС 2007 жылғы 14 шілдеде № 11 «Табиғи монополия туралы» Қазақстан Республикасы заңының бұзылуын жою туралы нұсқама берілді.
Бірақ, «РУХАЗ» ЖШС берілген нұсқаманы 2007 жылғы 19 қазанға дейін орындамады.
Жоғарыда аталған айғақтарға және Заңның 19-бабының 1-тармағымен, 19-1-бабының 3 тармағын және 14-бабының 1 тармағының 1) тармақшасын басшылыққа ала отырып Басқармамен нұсқамада берілген, жауапкердің іс әрекеттерін орындатуға мәжбүр ету үшін 2007 жылғы 22 қазанда Астана қаласының арнайы аудунаралық әкімшілік сотына талап өтініші жіберілді, атап айтқанда:
1) есеп құралы көрсеткішінен 13 пайыз көлемінде электр энергиясын беру және бөлу бойынша көрсететін қызметі көлемінен шығынын есептеуді тоқтатсын.
2) «Астанаэнергосбыт» ЖШС-нан электр энергиясын тасымалданған көлемді қайта есептеу арқылы «Астана қаласының индустриалды-инновациялық даму орталығы» ЖШС-на келтірген залалды өтеу жөнінде шара қолдансын.
