2005 жылғы 6 желтоқсанда Агенттік «Астана халықаралық әуежайы» АҚ жолаушыларды тіркеу үшін жеңілдетілген тәртіппен жұмыс орнын (алаңын) беру жөніндегі қызметтерге арналған тарифтің және тарифтік сметаның жобасы бойынша жария тыңдаулар өткізді.

Жария тыңдауларда «Астана халықаралық әуежайы» АҚ өкілдерінің жолаушыларды тіркеу үшін жеңілдетілген тәртіппен жұмыс орнын беру жөніндегі қызметтерге арналған тарифтің және тарифтік сметаның жобасы бойынша баяндамалар тыңдалды.

    Сондай-ақ, мемлекеттік сатып алу туралы шартқа сәйкес жолаушыларды тіркеу үшін жеңілдетілген тәртіппен жұмыс орнын (алаңын) беру жөнінде ұсынылған қызметтерге тариф және тарифтік смета бекітуге берілген өтінімді қараудың нәтижелері бойынша тәуелсіз сарапшылардың пікірі тыңдалды.

    Бұдан басқа, («Эйр Астана» АҚ) әуежайлық қызметтерді тұтынушы болжанып отырған тариф бойынша өз пікірлерін айтты және табиғи монополия субъектісіне бірқатар сұрақтар берілді.

    Өткізілген жария тыңдаулардың нәтижелері бойынша, бұл қызметтің жаңадан реттеліп көрсетілетін қызмет болып табылатындығын ескере отырып, қазіргі уақытта басқа мемлекеттік орган реттейтін жолаушыларға қызмет көрсету жөніндегі қызметтен бөлініп шықты, жария тыңдаулардың төрағасы (Н.Ш.Алдабергенов) Астана қаласының әуежайында жолаушыларды тіркеу үшін жұмыс орнын (алаңын) беру жөніндегі қызметтерге арналған тарифтің және тарифтік сметаның жобасын қарау жөнінде жұмыс тобын құру қажеттігі туралы хабарлады.

    Жария тыңдаулардың төрағасы «Астана халықаралық әуежайы» АҚ жолаушыларды тіркеу үшін жеңілдетілген тәртіппен жұмыс орнын (алаңын) беру жөніндегі қызметтерге арналған тариф және тарифтік смета бекіту жөніндегі түпкілікті шешімді Қазақстан Республикасының табиғи монополиялар туралы заңнамасына сәйкес уәкілетті орган қабылдайды.