10.12.07СҚО – ТМРА энергия жабдықтау бойынша сындарлы диалог жүргізуде.
5 желтоқсанда Президенттің энергия үнемдеу технологиясын енгізу және энергия үнемдеуді насихаттауды ынталандыру туралы тапсырмасын орындауға байланысты ТМРА СҚО бойынша басқарма бастығы О.Пономарев Петропавл қаласы әкімінің орынбасары П.Глованың, энергетикалық және су шаруашылығы секторларының базалық субъектілері басшылығының, ПИК Ассоциация өкілдерінің, мүдделі меморгандардың, қоғамдық бірлестіктер мен БАҚ-тың қатысуымен энергия үнемдеу мәселелері бойынша “дөңгелек үстел” отырысын өткізді. ПИК Ассоциациясы (С.Худяков) Ғаламдық Экологиялық қорының гранты бойынша дайындалған Петропавл қаласында тауарлар мен қызметтерді өндіру процесінде 2008-2010 жылдарға арналған энергия үнемдеу бағдарламасының жобасын талқылауға ұсынды. Жобаға сәйкес ТКШ-ның энергия үнемдеу қызметтерінің басым бағыттары: реттеу құралдарын пәтерлерге, фасадтарға орнатуды регламенттейтін және энергия ресурстарын пайдалануды есепке алатын заңды және де басқа нормативтік актілерді қабылдау, жеңілдік тарифтерді жою мен барлық тұтынушылар үшін бір тариф бойынша энергия ресурстарын төлеу кезінде отбасының жиналған табысын есепке ала отырып, тұрғындарға жәрдем ақша беру, энергетикалық тиімділігін арттыру мақсатында, тұрғын қорын және өндірістік ғимараттарын жетілдіру болып табылады. Бағдарламаны мемлекеттік қолдау ретінде бизнестік-жоспарлармен қорғалған нақты жобалардың бюджеттік кредиттер механизмі ұсынылды. Өйткені осы кредиттер, энергия үнемдеу жобаларын іске асыруда тек шығынның бір бөлігін ғана жабады, қалған шығындарды, энергия тұтынушылар, өздерінің немесе қарызға алған қаражаттар мен энергия үнемдеу есебінен үнемделген қаражаттарымен жабады. Энергия тиімділігін арттыру үшін тарифтік кредиттеуді пайдалану, орта мерзімді тарифтерді қолдану ұсынылды, сондай-ақ, бюджеттен қаржыландырылатын кәсіпорын мен ұйымдарға – энерго тасымалдаушыларға үнемделген энергоресурстарды басқаруға құқық беру ұсынылады. Қ.Дүйсеханов (Аксесс Энерго-теплотранзит” ЖШС-і) жалпы үйлердің жылу есептегіш құралдарын орнату бағдарламасы көппәтерлі тұрғын үйлер тұрғындарының 100% келісімі болмағандықтан іске асырылмайды, сондықтан жалпы үйлердің ЕҚ мәжбүрлеп орнату керектігін айтты. Ю.Козловский (“СҚО ТҚҚ” АҚ) бұдан бас тартты, себебі нарық қатынастары тұтынушы мен қызмет берушіге пайдалы болуы керек, пәтерлік және фасадтық жылу есептегіш-реттегіштерді орнату қажет. Отырыста, сондай-ақ, нақты энергия үнемдеу жобаларын жетілдіру ұсыныстары айтылды (кәсіпкер А.В.Гусева).
